WHAT’S THE FUss? WITH MR. FU : KANDIDATA SA MISS WORLD PH, DATING ‘KONGRESISTA’?

 Tabi-tabi po lang kay Joee Guilas ng PAGEANT TOWN para sa kwento kong ito.

Maaga sumabak sa pagtatrabaho si Joy Barcoma. 15 anyos pa lang sya nang magsimulang maging model habang sya ay nag-aaral. 17 anyos naman sya nung sumalang sa iba’t ibang beauty pageant. Pero isa sa di nya makakalimutang oportunidad ay yung naging OJT sya sa produksyon ni Broadcaster Raffy Tulfo. (hindi naman siguro sya pina-Tulfo!) Bukod sa marami syang natutunan kay Raffy, dito nya nakilala ang kapartner nitong si Nina Taduran, na ngayo’y isa nang kongresista. Si Cong. Nina kasi ang nagbukas ng maraming pinto para sa kanya. (baka pwede makidaan sa isang pinto!)

“Malaki po talaga naitulong sakin ni Cong Nina. Sa simula palang na OJT ako. Siya talaga yung nagtuturo sakin at sumusuporta lalo na nung time na yun kasi working student po ako,” pag-alala ni Joy.  (penge rin po ng suporta Cong!)

Pagkagraduate nya ng Broadcast Communications sa Polytechnic University of the Philippines, kinuha syang Executive Assistant ni Cong Nina, na nag-encourage din sa kanya na sumali sa nalalapit na Miss World Philippines Pageant. (bakit ako di naisip ni Cong na pasalihin?)

Kwento ni Cong Nina: “Noon talaga napansin ko mahiyain sya. Tapos nakasalamin. Parang betty la fea. Pero nakita ko mukha nya, sabi ko ang ganda-ganda mo. Sabi pa nya, hindi naman po. Tapos nung nagkaroon kami ng pageant na Miss Philippine Islands, pinasali ko sya. Nanalo sya. Ngayon naman, may panibago syang hamon sa Miss World Philippines. “ (pwede ko bang hamunin yang si ate?!)

Wala nang patid ang paghahanda ngayon ng 22 anyos na dalaga para sa naturang pageant na magaganap sa July 25, 2021.  (nakaready na rin ako girl!)

“Mostly na preparation is yung usual na walk, q and a, personality development but   what I invest most of my time is mentally preparing myself kasi po mahirap ang pressure. So, ayaw ko maapektuhan sa mga negative comments and opinions. “ Paliwanag ni Joy. (block mo sila ‘day!)

Malaki talaga ang impluwensya sa kanya ni Cong. Nina sa pagsali nya sa prestigious pageant na ito. “Inspirasyon ko po talaga si cong nina. Hindi po sya nakalilimot sa pinagsimulan nya. Mula sa pagiging media practiotioner nya hanggang sa maging congresswoman, tapos yung puso nasa serbisyo publiko. Yun po instill ko sa sarili ko na di ko kalilimutan ung mga taong nakatulong sakin kung saan man ako ngayon at magpasalamat sa suporta nila.” (parang bet ko rin maging congresswoman!)

Alam nya na pagsabak sa pageant ay posibleng pagmulan ng ilang indecent proposals. “Hindi na po bago sakin yung mga ganyan. Kung may mag-offer ulit, tatanggihan ko po pa rin kasi vina-value ko po ang dignidad.

Hindi naman ako against sa mga nakikipadate sa mas matanda sa kanila, ang hindi lang ako sang-ayon ay makasira ng pamilya. Ang respeto ko po ay nasa asawa, sa pamilya. Galing po kasi ako sa broken family kaya ayaw ko maging dahilan para makasira ng pamilya at kinabukasan ng anak. “ (parang need ko ata ng dignidad!)

Hindi naman nya isinasara ang puso nya para sa showbiz, bilang maraming produkto ng pageant ang nag-aartista, pero sa ngayon gusto nya munang magfocus sa karera nya sa beauty pageant industry.  (ako nga kahit sa karera ng kabayo, waley!)

“Kapag nanalo po ako,tutulong parin ako kay Cong. Nina, kasi napakalaking suporta ang naibibigay nya sakin pati ng mga kasama ko sa trabaho.  Kasama ko pa rin sila dahil mayroon akong mga plataporma tulad ng mental health literacy. Hindi naman ako mababago ng korona, mas mapalalawak lang nito yung pagtulong at pag-inspire ng mas maraming tao.” Giit ni Joy. (pahiram ng korona ha!)

(MR.FU hosts on 91.5 Win Radio, 9pm-12mn, Mondays to Fridays. Twitter/IG: @mrfu_mayganon. FB: mr.fu the star dj. Youtube/FB: Patreon: WTFu. Website: www.channelfu.com)

Media, hinikayat na magpabakuna na

Nanawagan si ACT-CIS Partylist Representative Niña Taduran sa lahat ng miyembro ng media na magpatala na at magpabakuna laban sa COVID-19 ngayong nagsimula na ang pamahalaan sa pagbabakuna ng A4 priority group.

Paalala ng kinatawan na ang mga manggagawa sa media ay lantad sa banta ng COVID-19 dahil sa araw-araw nilang pagkalap at paggawa ng balita.

Ngayong Hunyo, inaasahang darating ang 10 milyon pang doses ng bakuna laban sa COVID-19, kaya’t hinihikayat ni Taduran ang lahat ng manggagawa sa media na magpalista na sa kanilang mga local government units.

Pinaalalahanan din nito ang mga taga-media na huwag nang mamili ng brand, dahil lahat ng ito ay epektibo at pinag-aralan naman ng husto ang mga bakuna.

Positibo naman ang kinatawan na bago matapos ang taong ito ay maisasabatas ang Media Workers Welfare Bill para mabigyang proteksyon ang mga manggagawa sa media.

Binigyang katiyakan ni Taduran na mabibigyan pa ng dagdag na proteksyon ang mga manggagawa sa media tulad ng tamang suweldo at seguridad sa trabaho, sapat na equipment para sa proteksyon, at insurance habang ginagawa nila ang kanilang tungkulin.

 By Kathleen Jean Forbes

Media bakunahan na – solon

 

Manila, Philippines – Ipinakakasa na ni ACT-CIS Partylist Rep. Rowena Niña na bakunahan na ang mga mamamahayag.

Nanawagan din ang kongresista sa lahat ng miyembro ng media na magparehistro upang mabakunahan na kasabay ng bakatakdang pagbabakuna sa lahat ng A4 priority group.

Iginiit pa ng mambabatas na nahaharap sa panganib ang mga journalists dahil sa araw-araw na panganhalap ng mga balita.

“Hindi huminto ang mga balita simula nang magka-pandemya. Walang nag-off the air at hindi naman nahinto ang printing ng mga diyaryo.  Patuloy rin ang mga balita online. Araw-araw na kinakaharap ng mga taga-media ang panganib ng COVID-19. Sa katunayan, marami nang media workers ang nagka-Covid dahil sa pagtupad sa kanilang mga tungkulin kahit wala pang bakuna,” ayon kay Taduran.

Dahil sa papadating na 10 milyong doses ng vaccine ay hinimok ni Taduran ang mamamahayag na magtungo na sa kani-kanilang LGU.

“The best protection is whatever vaccine is available. Huwag nang mamili, lalo na at pinag-aralan naman ng husto ang mga bakuna bago ito ibigay sa mga mamamayan,” sinabi pa ni Taduran.

“Inaasahan nating bago matapos ang taong ito ay mayroon nang batas na magbibigay ng proteksyon sa mga manggagawa sa media. Tamang suweldo at seguridad sa trabaho, sapat na equipment para sa proteksyon at insurance ang nakahanda para sa media workers kapag ito ay ganap nang batas,” dagdag pa ni Taduran. (Meliza Maluntag)

Bakuna program para sa kapos-palad hiniling

 NANAWAGAN si House Assistant Majority Leader at ACT-CIS party-list Rep. Niña Taduran sa lahat ng mga nasa lokal na pamahalaan na lumikha ng isang espesyal na programa ng pagbabakuna para sa mga nakatira sa lansangan, partikular ang mga matatanda na nagta-trabaho at nanlilimos sa daan.

Sinabi ni Taduran na dapat nagtutulungan ang local government unist (LGUs) at Department of Social Welfare and Development (DSWS) para irehistro at mapagsama-sama ang mga nasa lansangan na walang kakayahang makapagpalista para sa bakuna sa internet o pumunta ng personal sa mga kinauukulang opisina.

“We will never achieve herd immunity if we don’t take care of the people in the streets. They are the most vulnerable and the most probable carriers and transmitters of the virus,” ani Taduran.

“They lack the equipment and proper guidance on getting the vaccine. And these elderly in the streets should be among those in the priority list. Nagtataka nga ako, nauuna pang nababakunahan ‘yung hindi naman matatanda, hindi health worker at walang comorbidity. Bakit hindi tulungan munang mabakunahan ang mga nakatira sa lansangan?” pagtatapos ni Taduran.

 Ryan Ponce Pacpaco