Mahigpit na health protocol, pinababalik ng isang mambabatas.

 

By Kathleen Jean Forbes

 

Nais ni ACT-CIS Party-list Rep. Niña Taduran na ibalik ang mahigpit na health protocols makaraang ibabala ng UP OCTA Research team na posibleng tumaas sa 6,000 kada araw ang kaso ng COVIDA-19 sa bansa sa pagtatapos ng Marso.

Nagpahayag din ng pagkabahala ang kongresista sa mabilis na paglobo ng kaso COVID-19 sa bansa lalo na sa National Capital Region, makaraang maobserbahan ang araw-araw na pagtaas ng mahigit sa 3, 000 kaso.

Paalala ng mambabatas, kahit na dumating na ang bakuna ay naririto pa rin ang virus ay patuloy na kumakalat lalo na at may mga bagong variant na naitala sa bansa.

Binigyang diin nito na kahit pa niluwagan na ang travel restrictions sa pagbiyahe ay kailangan pa ring ipatupad ng mga lokal na pamahalaan ang mahigpit na health protocols katulad ng pagsusuot ng face mask at face shield kapag nag-iikot ang mga tao sa labas at ang masusing paglilinis sa katawan at kapaligiran.

Nanawagan din si Taduran sa Barangay Health Emergency Response Team (BHERT) na maging aktibo sa implementasyon ng health protocols na ito at masusi ring bantayan at alamin ang mga bagong impeksyon sa kanilang komunidad.